Secret Place | November 2017

好高興搵左Fei Wedding幫我地影pre-wedding。起初搵佢地係因為俾佢地多個室內studio場景所吸引，結果都無令我地失望，真係有好多唔同既場景，由清新簡約風，文青花卉風，到英式工業風都有，令到我地pre-wedding既相更加多元化。

由一開始傾package到最後執相，全程都由阿kit幫我跟進，佢好有耐性咁解答問題，又主動講好多影相當日既細節我地聽，令我地好放心。執相時我地都有d力求完美，前前後後俾左幾轉意見，佢都毫無怨言咁幫我地執左幾轉，真係好幫得手。

另外要多謝當日既化妝師，化得好快手，亦好細心，好快轉妝轉髮型，令我有更多時間影相。佢又全程陪住我，幫我補妝整理髮形同裙擺。

攝影師同佢助手都好合拍，一個好專業咁指導我地擺pose同表情，另一個就活潑d，識搞氣氛，令我地可以好輕鬆咁笑足全程咁影相。到最後揀相，有好多相都好靚，完全揀唔到邊d相做retouch，最終都加左相。