Japan | October 2016

一直以黎都希望係輕井澤影Pre-wedding,自己上網search資料個陣就留意到Fei Wedding。

當時已經比佢地既相吸引到,佢地既相出黎既效果唔似坊間有D整到好淡色或者太鮮艷,真係色澤適中,風格自然而且有種人景合一既效果,不過當時心諗以佢地咁高質素既相收費應該唔平,所以個陣就放棄搵佢地。

直到係婚展上見到Fei Wedding擺booth,於是就走去問下資料,唔問唔知,佢地package價錢相宜得黎,而且都好清楚咁講明有咩包,有咩唔包,

當時serve我地既阿Po有問必答,親切既服務態度令到我成個查詢過程都好舒服,一D都無hard sell既感覺,所以我都決定揀Fei Wedding影我地既輕井澤紅葉Pre-wedding。

去到影之前個日當地落起好大雨,好彩去到影個日天公造美俾左一個藍天白雲既好天氣我地,攝影師知道我地表情動作生硬,所以佢俾既指示都好清晰,令我地好快進入狀態,助手係側邊除左幫攝影師忙,亦都有幫我地用手機影低好靚既花絮,化妝師化妝手快之餘,亦都係全日裡面好細心照顧我,影完一個shot就即刻拎住件褸俾我著返,跟手又即刻幫我去補妝,成對crew既support真係非常好。

身邊既家人朋友睇過D相之後都好評如潮,證明當日既選擇係無錯的。再一次多謝Fei Wedding!!