Jiuzhaigou & Secret Place | October 2016

多謝Fei Wedding 幫我地影左兩輯咁靚的相!!

當知道要影九寨溝的時候，即刻就上網睇下有邊幾間攝影公司有做，而我地亦都好快就選到Fei Wedding。

之後我地就上鋪頭問下價錢，問下費用裡面係包括D咩、又或者係有咩需要我地俾錢的。因為未影過所以有好多問題，但當日職員呀PO都好專業咁一一解答我地的問題。過程中俾左多相同資料我地參考，最緊要係唔hard sell，唔會迫我地俾錢，感覺好好。

隔左１個月我地就決定選用Fei Wedding 為我地的Pre Wedding 影兩輯靚靚的相，一輯係Secret Place Studio影，一輯係九寨溝影！出發前公司亦好細心Send好多九寨溝旅途需知同埋Check List 俾我地做參考。

我們預早左一日到步，到九寨溝後先同攝影師講聲我們已到達。

到影相的前一晚攝影師呀凱，助手及化妝師晴子同我們進行一個小會議，他們詢問我們對婚照既要求，幫我地構思相片既畫面，同檢查下我們所需要的物品是否已經帶齊，另因為果時九寨溝的天氣好凍，所以他們都提醒我要貼暖包同裝定熱水，即刻感受到他們團體專業同細心。

到出發拍攝，晴子好準時0600到我房間幫我化妝，化得好細心好自然，拍攝其間呀凱及助手不斷教我們擺pose，真係好有耐性，完全唔會黑面，專業咁幫我地諗pose，仲會講笑話令我地放鬆，真的十分專業。

全個拍攝過程都感受到攝影團體的專業，特別係攝影師，因為有時佢真係為左捕捉好靚的畫面，佢會成個人訓係地下幫我地影，每次完成一個拍攝地點，佢都會俾我地睇番岩岩影出黎Ｄ相的效果，問我地得唔得，或者會問我地有沒有其他要求，佢都會盡量滿足我們。

拍攝當日由早上8點幾影到下午4點幾，中間只係休息左唔夠一個鐘的時間，真心覺得攝影團體好勁，少少攰的感覺都冇 影完相返酒店，攝影師重同我講叫我快Ｄ沖個熱水涼同食Ｄ定感冒藥，怕我會凍親。其實拍攝完左佢真係可以唔理我地，但佢都好溫馨咁同我講叫我小心身體唔好凍親，果一刻真係覺得又感動又好warm。

拍攝的前一晚同當晚，Fei Wedding 的同事都有SEND Whatsapp 關心我們的攝影情況，亦提醒我要好好休息，真係覺得好溫暖。

好快我地就收到Fei Wedding 通知有相睇了相片我地好滿意，到最煩惱就係選相既時候，但職員Po 好nice，好有耐性比左好多意見我地，完全睇得出佢既專業

最後，真心多謝Fei Wedding每一位員工，你地既工作態度認真及拍攝團體專業真係尤如網絡上所講的口碑，如果日後有朋友想出外影Pre Wedding，都會介紹佢地選Fei Wedding。