Secret Place | July 2016

早幾日已收到相啦！一張張睇番，覺得好開心。 覺得我地初選擇無錯！

係七月份既時候，我地開始搵有關prewedding資料。 漫無目的之下，click左入fei wedding website. 見到相集內有係不同地方攝影結婚相。 一路睇，本身有少少想係香港影外景。

經過我地了解左影相packages後，考慮到時天氣會熱，覺得secret places既場境都ok喎。 所以，轉左計劃影室內。 用facebook inbox作初步咨詢, 工作人員回覆好快，資料都好詳盡。 我地好快有左初步方向。

好快約左見面。 Fei wedding office 好方便，地鐵出十五分鐘就到。 上到去，對所有產品有興趣，逐d欣賞。 我地仲試左玩lomo 相機，idea幾得意.

Fei wedding 提供左幾個packages比我地，由於我地有初步概念(影secret place), 所以好快入正題，我好快揀到心水之選。 係正式傾內容時，工作人員會show 出不同產品比我地睇，並唔係hard sell 我地加錢買。 只係比實物我地參考。 條款，要注意既地方，工作人員都講解得清楚明白。 由於婚期比較近，所以大家都好緊張d產品能否趕得切。 慶幸，除了大相簿可能未必趕到。 所有相，油畫都準備得切。 太好！

walk in 比去婚展係好d. 舒服d, 慢慢傾，有時間諗，唔洗急，易就到時間見面，仲有額外優惠添。

到試衫個日，我地放工遲左到，公司人員都好好，耐心等我地。 無論揀裙，西裝，公司人員都會比到建議我地，我試左四條婚紗，著出黎各有特色，而西裝方面，男仔都可有不同選擇，有黑，深藍，格仔，淺藍等。 一邊試一邊發問，公司人員都會詳細回答。 仲會提我拍攝當日要帶乜。 女仔係多野帶d, 男仔一對鞋，便服就ok了。

拍攝當日，首先見到女仔化妝師，佢幫我化妝，著婚紗，提點照顧我一切。 好細心。 叫我放鬆d。 佢一邊講解一邊化妝。 二個鐘就set 好頭，化好妝，著好婚紗了。 拍攝時，全程幫我跟足。 包保個look keep靚靚。

正式拍攝，我地唔識擺poses, 男仔攝影師會指導，提示，令我地放心, 放鬆d. 佢同助手都好nice. 指導我地所擺Poses 會因應場景，衣著而改變。 多角度影。 不會求其，亂影。

fei wedding 既服務不錯，求質素，各工作人員都好專業。 十分滿足fei wedding 所提供的服務。

希望下次再到fei wedding！多謝fei wedding!