Lijiang | April 2016

好多謝Fei Wedding 分司比我同醒留下美好回憶！

某日經FB見到Fei Wedding，第一眼已被麗江既雪山景吸引住，約好見面時間，職員Hami好有耐性 ，細心咁介紹麗江一系列作品集，過程中態度很好，完全沒有hard sell ，又唔會要我們立即落訂金，而係比我地番去再諗下，感覺舒服。

翌日我地決定選用Fei Wedding 麗江兩天拍攝之旅，出發前公司亦好細心Email 麗江旅途實用指南給我們參考及提點！

出發當日我地是乘搭香港直航機到麗江，到達客棧亦差不多晚上十一点半，很快攝影師，助手及化妝師與我們進行一個小會議，他們詢問我地心目中對婚照既要求，幫我地構思相片既畫面及禮服既襯托，頓時感受到他們團體專業。

到出發拍攝，化妝師就好準時0600到我房間幫我化妝，化得好細心好自然拍照由於我動作較生硬攝影師及助手真係好有耐性教導，完全唔會黑面，專業咁幫我地諗pose，仲會講笑話令我地放鬆，真的十分專業。

講到最令我地難忘既一定係雪山拍攝，由於醒出現輕微高山反應，頭痛，團體非常好，擔心醒仲支唔支持到，有事記得一定要出聲，定時不停問候，照顧，鼓勵，最終都好順利完成，仲好好跟當地纜車職員溝通先讓我們兩個即時坐車落山稍作休息，感覺真係好窩心，好温暖，真係好多謝佢地。

好快我地就收到Fei wedding 通知有相睇了相片我地好滿意，到最煩惱就係選相既時候，係呢part我地用左好多時間職員呀Po 好nice，好有耐性比左好多意見我地，完全睇得出佢既專業。

最後，真心多謝Fei Wedding 上上下下每一位員工，Thank you so much你地既工作態度認真及拍攝團體專業真係尤如網絡上所講的口碑，好好祝你地生意繼續蒸蒸日上

Ps…麗江既景色真係好美，比相片還要美麗，真的好值得