Lijiang | March 2016

好多謝Fei wedding 俾左一個難忘既麗江pre wedding拍攝我地。起初都冇諗過去麗江影相架，之前一直諗不如去影櫻花啦，因為自己鍾意d花花草草大自然景色，但未來老公就覺得影出黎白雪雪，唔多鍾意，所以就再諗過去邊度影。有一日，無意間在fb見到Fei wedding 既一張新人響油菜花田影既相，原來係響麗江影既，黃色花海太震撼啦，之後，就click入Fei wedding 個page裏面睇下其他麗江既相，嘩，每一張都好鍾意，好colourful 既地方，問過未來老公都覺得唔錯，就去左婚展join package 啦。因為自己鍾情花花草草，所以staff就建議我地響3月中出發，能遇到花開機會最大，就係咁，就決定左pre wedding拍攝啦。

由於Fei wedding在麗江拍攝有相當經驗，所有事前安排都能夠做得貼心及順暢，由選航班、住宿、選禮服、選景點、溫馨指示及小tips，所有都安排得得周到，所有staff都很樂意解答我地既疑慮，令我地好安心。

去到當地兩日的拍攝，攝影團隊很有經驗，行程安排得很順暢，相當熟識景點，攝影師阿凱能夠搵到最靚既角度，而且很有耐性咁教我地擺post，不斷鼓勵我地。化妝師非常細心，在妝容上有咩要求，佢都會盡量配合。兩天拍攝完後，雖然累，但能夠遇上油菜花海，粉紅色花開，非常滿足。

回港後收到相，好開心，好靚好滿意，真的要再次感謝Fei wedding帶俾我地既回憶。