Lijiang | March 2016

我同男朋友都唸過好多唔同的婚紗拍攝地方，例如台灣、日本、甚至近年大熱的韓國，直到係婚展睇到Fei wedding的作品，第一眼已經愛上雲南麗江呢個地方，同埋係婚展中，職員yancha好有耐性、細心咁同我地介紹麗江景色同一系列的作品集，過程中，我好欣賞Fei員工的服務態度，佢地充滿笑容，又吾會要求立即落訂，而係俾我地番去唸下。

最終，我地都決定選擇Feiwedding的麗江pre-wedding，果然不負所望，二日的拍攝過程雖然頗辛苦（差不多全外景），但當你見到當地壯麗獨特的自然景色，唸到可以留住最靚的一刻，真係再辛苦也是值得！

記得第一日是去一片白茫茫的雪山，心情非常興奮；下午係去充滿靈氣的雲杉坪，講真，比我地係睇相的更美麗，更迷人，而拍攝出黎的效果亦令我地非常滿意。藍月谷，一片澄清如藍的湖水，令人眼前一亮，好多朋友睇完都忍吾住大讚！最後，我地好多謝Fei攝影師，化妝師，佢地專業又用心咁幫我地拍攝，仲有助理，好幽默又細心，係拍攝過程中帶俾我地好多歡樂。感謝Fei wedding帶俾我和wayne有一個快樂，難忘而滿足的pre-wedding trip。