Lijiang | March 2016

我同老公都想影一輯特別既結婚相, 於是就諗起fei wedding 影麗江pre wedding既相好靚,一黎有雪山 (好少拍攝公司會上埋雪山影) 又有油菜花田, 好似一年四季都可以係麗江影晒咁,所以一知佢地係婚展擺檔,就即刻去了解同confirm左3月去影啦!

fei wedding 好細心咁係12月打黎約我試衫之餘, 去到試衫果陣, 職員都主動拎左好多款比我睇同試, 試多幾條都冇黑面添呀! 另外改衫姐姐知我身型問題, 每條裙試完佢都出黎睇下有冇得改!另外, 職員都好詳細咁講拍攝既細節同注意事項, 亦介紹左麗江當地既客棧比我地, 價都好合理架!

拍攝當日, 朝早化妝師好早六點就黎房幫我化妝, 化得好好同好細心,化得好自然同好精神, 攝影師也十分專業,好認真好專業咁幫我地諗pose,仲講笑話令我地放鬆添!

但因為第一日太大風上唔到雪山而改左係第二日,第二日好彩都買到飛可以上去,可惜因為大風既關係纜車排左6個鐘,而攝影師知我地都想上雪山影,所以佢地都好耐心咁一齊等, 一上到去,雖然係好大風同好凍,但攝影師一樣咁落力,全個拍攝過程都十分滿意!

多謝fei wedding!