Hong Kong | December 2015

親戚介紹Fei Wedding，我同老公喺IVE識，所以想影一啲輕鬆sweet，有story嘅相，唔想chok曬咁影。我地分三個地方影，第一個地方去左我地一齊讀酒店嘅校舍。廚房，我地有好多一齊上堂嘅回憶，初初都開始好緊要，好在攝影師滿帶笑容，好鬼好笑咁攪氣氛，可以好放鬆咁影相。

下午去屋企附近影，帶同我隻可愛狗狗影相，狗狗已經十六歲啦，唔係好聽到嘢，雖然張張相狗狗望鏡頭，但其實化妝師，攝影師同助手哥哥都係鏡頭背後叫到手舞足蹈，務求狗狗張張相都望到鏡頭，攝影師仲扮狗吠，笑到我同老公碌曬地

之後再去中環影相，嗰日係全個十二月最凍嘅日子得九度，化妝師同助手哥哥好sweet經常幫我蓋衫，怕我冷親。

我要讚讚化妝師姐姐，因為我好鐘意花環，佢特登親手做兩個好好好靚嘅結婚花環俾我替換影相，好細心呀

影左好多好多靚相，尤其夜晚影浪漫相，我特別喜歡！

最後，好多謝Fei wedding，貼身服務，好認真！好專業！張張想都反映到我地攪笑嘅性格！