Japan | October 2015

我係因為睇過朋友響Fei Wedding影嘅Pre-Wedding相, 覺得影得好靚, 所以去婚展就直接搵佢地查詢影相嘅詳情細節, 跟住好快就決定影相嘅地方同join佢地！

回想起上年十月尾去輕井澤影相, 幸運地一切都進行得好順利！當日天氣好好, 雖然十月尾已經係冬天, 但朝早同中午都有太陽, 影相果陣都唔會太凍, 感覺都幾舒服！我地同行係有一位攝影師同化妝師！佢地兩個比我感覺都好專業, 化妝師好nice好隨和, 佢除咗係化妝師之外, 仲係響婚展為我講解拍攝詳情嘅工作人員, 而且拍攝當日佢仲幫手做埋司機, 佢一個人可以負責幾個唔同嘅身份, 真係覺得佢好犀利！至於化妝方面, 當然都好好做我想要嘅效果, 選擇嘅頭飾都好靚, 我都好滿意！

而攝影師雖然就比較Cool啲少出聲, 但就好有耐性教我地擺Pose, 我地可能唔習慣擺Pose, 表現都比較生硬唔夠自然, 攝影師佢不厭其煩重複又重複講…手放鬆啲…頭側啲…要拗腰…左啲…右啲…真係少啲耐性都唔得！

到某景點拍攝期間, 開始越來越多遊客或者當地人嚟到觀光影相, 我地嘅打扮好似吸引到佢地嘅目光, 我地瞬間就變咗佢地嘅景點之一, 有啲人示意想影我, 有啲人好似戥我地開心同我地講祝賀說話(雖然係講日文聽唔明, 但應該都係類似意思 ) 我地做咗焦點, 感覺雖然有點怪怪唔好意思咁但又有點可以炫耀嘅感覺, 跟住我地都禮貌回應佢地講聲’多謝！Thanks You！

當日嘅拍攝好快好順利就完成, 真係好多謝Fiano嘅細心幫我著褸, 多謝佢嘅溫馨提示, 出發前會提示我要注意嘅事項, 多謝Sam嘅耐性, 包容我地好笨拙咁擺Pose, 好多謝佢地兩位嘅配合同專業, 多謝Fei Wedding帶俾我地有個開心難忘嘅回憶！讚！