Secret Place | July 2015

之前係台灣影咗一次prewedding，但始終都唔係咁滿意，返到香港心思思又想再影多次。之前見到朋友既prewedding帶埋自家小狗入鏡，感覺好特別，令我地都想帶埋狗仔一齊影一次婚照。

係婚展，我地睇左幾間prewedding都無乜狗仔相，睇左好耐，見到FEI影既室內照都唔錯，價錢都唔貴，仲有成六個場景，又可以帶埋狗仔玩，於是終於決定影多次。

FEI既studio可謂麻雀雖小，但五臟俱全。大熱天時係studio影，有冷氣之餘，又唔怕曬到個妝溶曬，又唔會俾蚊咬，都真係幾舒服。

當日攝影師真係好好人。我地隻BB狗細膽怕事，小小野就嚇到懶尿，但係佢都無顯得唔耐煩，仲好有耐性氹BB狗過黎，又好有心機氹佢望鏡頭。本來諗住同BB狗都係影得唔多，結果都影成一半都有佢份，真係好surprise!

FEI效率都好高，十日左右就有得簡相。效果果然唔錯，攝影師捕捉狗仔表情果然有一手，真係影得好好。有一張特別鐘意，BB狗企左起身，仲要回望鏡頭，咁都俾攝影師影到，真係好勁！

好多謝FEI工作人員，呢次prewedding都幾滿意，可以同我地隻愛犬分享重要時刻，真係好難忘～