Secret Place | July 2015

暑假假期想影多輯唔同效果的pre wedding,近年韓式婚照流行，暑假天氣咁熱，唔想影戶外，梗係揀啲studio影最好，經朋友介紹，第一次上fei wedding網站見到啲相已經好喜歡，之後婚展時見職員服務態度好好就book左啦。

揀衫果日，freda俾左好多意見我，見我喜歡粉紅色，好落力咁搵啲粉紅色晚裝俾我試，最後揀左件粉紅色喱士晚裝，好新淨，好靚，即時心心眼，到影相果日影完都唔捨得換。影相果日落大雨，遲左少少先到，但化妝師好快手就攪掂，化完後我既另一半都忍唔住不斷話好靚，化妝師好勁，好細心咁將我勁大勁黑的眼袋同眼圈完全變走，影相全程跟妝跟到足，又幫我諗唔同場景用咩頭飾，仲幫埋我既另一半執下個樣，

影出黎我地個樣化得好自然好精神好靚。我地唔太識擺post,攝影師好有耐性教我地擺，有時仲親身上陣示範俾我地知，我地想影張特別既相印餅卡，攝影師好好就我地既諗法，幫我地影左幾張唔同效果的相，等我地可以揀下邊張印餅卡，另外攝影師助手好好，好細心，會幫我整返好啲裙尾，又幫我地擺道具，好細心。揀相果日，我同另一半都好滿意，好多相都好靚，揀左好多個鐘。