France | June 2016

我同未婚夫係巴黎拍攝pre-wedding 同揀相都已經完成，D相靚到不得了，我地都好開心，好期待成品出現，衷心感謝Fei Wedding嘅同事為我地付出嘅一切。

回想上年我地決定結婚，都想pre-wedding去巴黎拍攝，開始上網睇攝影公司，因為未婚夫喜愛攝影，所以將此重任交比佢，而佢係眾多公司中比較喜愛Fei Wedding嘅拍攝風格，所以都唔等婚展，直接打去問下，知道大約詳情之後，都覺得ok,就約上公司見面丶confirm細節及拍攝日期。

時間過得好快，我地今年6月約揀衫，幫手揀衫嘅同事Freda好細心丶好有耐性，仲比左意見我，令我係咁多靚衫中揀倒自己鍾意嘅款式。到7月尾，我地先飛巴黎玩幾日再join拍攝隊伍，臨行前我同化妝師化妝師大家都有緊密聯絡，佢亦有比溫馨提示我。到拍攝前一日，我地先同攝影師攝影師同化妝師開會，傾下拍攝景點流程，佢地都非常nice，感覺好舒服。

拍攝當日，化妝師一早幫我化好靚妝，出發拍攝，全個拍攝過程我同未婚夫雖然比較疲倦，但相對攝影師同化妝師 黎講，我地只你皮毛，佢地嗰份專業同非常認真嘅態度實在不得不讚，攝影師力求完美，雖然面對我地呢D唔專業嘅對手，亦好有耐性丶細心教我地擺pose，化妝師亦幫左我好多，直至拍攝倒佢要嘅效果，最勁嘅係去到拍攝尾聲，攝影師見到個景好靚繼續拍攝，我唸換轉其他攝影師可能一早夠數收工啦。所以真心多謝攝影師同化妝師為我地嘅付出。返到香港好快有得揀相，要多謝阿Po嘅幫忙，佢比左好多專業有用嘅意見我地，令我地順利揀倒好多靚相，又唔會強迫客人加錢買其他產品。

總括整個pre-wedding拍攝過程好順利丶感覺好舒服，我地完全無揀錯公司，Fei Wedding絕對係一間專業丶好用心拍攝丶價錢合理丶唔hard sell強迫顧客買產品嘅公司。再次感謝每一位為我地付出嘅人，多謝你地。