Bali | June 2015

我最初本來想喺麗江影婚紗相，因為我覺得雪山好靚，但因為雪山景只有12~2月左右嘅時候，一來同我先生時間夾唔啱，二來上網睇其他人留言影雪山好凍，我係極怕凍之人，所以就打消咗呢個念頭！

經Fei Wedding嘅Sandra介紹峇里之後，我同先生決定join 6月尾嘅一日婚照攝影，Fei Wedding嘅團隊早喺五個多月前就已經開始同我溝通初步攝影流程，因為佢哋都經常到峇里影婚照，對當地都十分熟悉，比咗好多建議同温馨提示比我哋。

初次見攝影師,佢仲提供咗揀衫貼士比我同先生，務求影出靚效果^^
影婚照前一晚，攝影師同化粧師兼助理仲特意到我哋嘅酒店房傾翌日流程同服裝配撘。

到影相當日化妝師朝早5:30就到我酒店房開始化粧set頭，非常健談同細心……裝身后就開始拍攝，當日陽光非常普照，天氣非常炎熱，但攝影師仍非常專業教我哋擺pose,又爬高爬低攞靚角度，化妝師亦好落力幫我轉粧、攞行李同裙尾……更值得一讚係佢哋為幫我哋節省時間，我哋嘅lunch只係喺行車中解決

而家睇到啲相，好多朋友讚靚，諗起果日咁熱咁曬都值得！再一次唔該晒攝影師同化妝師,辛苦晒！多謝Fei Wedding團隊各人嘅親切同唔Hard Sell嘅服務態度