Japan | April 2015

今次奈良pre wedding 真係好多謝攝影師同化妝師嘅專業精神同埋細心嘅照顧。雖然我地拍攝當日落足全日雨，天氣又非常寒冷，但都絕對無損我地一行四人嘅心情。出發前同攝影師開會見面，佢已經好著重同我地溝通，了解我地想要嘅拍攝style，想拍攝嘅景點，仲好主動話幫我地搵新景點，亦都喺揀衫方面俾左好多意見我地。

拍攝當天，縱使天氣又濕又冷，攝影師都不斷搵靚位幫我地影相。不顧自己全身濕透，就算喺斜坡跣倒，條褲要報銷，亦都沒有計較，堅持專業嘅精神。即使天氣不似預期，透過攝影師特別嘅拍攝手法和感覺，同配合專業嘅打燈，結果有好多意想不到嘅相片效果，拍攝出令大家都好滿意嘅作品。仲有不得不提化妝師，今次拍攝咁順利，實有賴化妝師貼身照顧我地。為我地遮風擋雨，一有空檔就用羽絨幫我保暖。要時刻幫我地執造型，又要配合拍攝工作，即使忙碌得很，都沒有半點怨言，只為拍攝出好作品而努力。

當然我地都好多謝阿Po一直以來嘅幫忙。由揀衫時比左好多寶貴而有用嘅意見，去到揀相嘅時候，我地見到咁多靚相，真係花多眼亂，好難取捨。多得阿Po從旁比左好多專業意見我地，令我地揀相嘅過程非常順利。雖然我地揀相揀到好夜，但係阿Po都逐一講解唔同油畫框嘅分別，唔同相簿排版嘅特色，非常細心。

最後，我地要再一次多謝Fei Wedding 嘅專業團隊。Appreciate all your hard work! Keep up your spirit!!