Japan | April 2015

我覺得Fei Wedding係一間好用心嘅公司，不得不讚！由揀衫到溝通拍攝程序，以至拍攝安排同執相揀相，每方面都好清晰，而且明碼實價，冇任何附加收費！！

特別想多謝攝影師幫我哋影咗好多靚相，佢真係一個好專業嘅攝影師，教我哋擺咗好多唔同嘅post又配合到現場環境，啲相影得好自然！好靚！而且仲好多相，唔怕冇相揀！另外仲有化妝師, 佢好細心咁同我溝通髮型妝容，全程都跟到足幫我補妝，仲會照顧埋我老公嘅髮型，感覺到佢對工作嘅熱誠，敬業樂業，個妝真係化得好靚！

仲有助理都一直用心幫忙，拍攝當日好熱，佢都一直保持笑容，令拍攝氣氛好輕鬆，好順利完成！阿寶係第一個我接觸到Fei Wedding嘅人，佢真係好nice好有耐性咁解答晒我所有問題，全程幫助我哋了解拍攝相關事宜，由揀婚紗、晚裝、男禮，甚至乎花球煲呔頭飾手飾，直到揀相，阿寶都比咗好多寶貴意見！由於過程中協助過嘅人好多，個個都好nice, 我好滿意佢哋嘅服務！

Fei Wedding真係冇加過任何額外收費，我覺得收費合理又公道，服務又好好，我已經決定咗Big Day都請佢哋幫手喇，對佢哋好有信心！