Japan & Hong Kong | April 2015

我地參加左Fei Wedding 4月份大阪櫻花 同香港既pre-wedding。Fei Wedding既各位都好用心，俾好多有用既建議同鼓勵我地，成個過程俾我地既感覺係do the best for the couple多過影pre-wedding。

出發前，呀寶幫我地計劃成個pre-wedding，日期同地點上都俾好多建議我地，講解有關條款亦都好仔細同清楚。

到揀衫試衫，Annie同呀寶好helpful，會主動俾意見我地，例如影櫻花女仔盡量唔好揀深色衫等。而且Fei Wedding D 衫好乾淨整潔，所以我地都好放心。
出發大阪pre-wedding前，Fei Wedding早幾個星期已經send左reminder俾我地，例如化妝、頭髮等有咩要注意；仲建議埋酒店俾我地方便去影相。出發前上去拎衫，所有野一早pack 好哂，亦都仔細交代去日本時要留意同要知既detail，我好麻煩地想換個bow-tie，佢地都肯幫我換。

到左日本影相前一晚，我地同攝影師 and 化妝師 響酒店見面，雖然當日佢地都工作一天(攝影師係唔舒服添)，但都花時間問左我地意見同指示影pre-wedding當日既行程同安排。
化妝師 好準時一早就過黎化妝set頭dressing，個妝好靚，我地都好滿意啦。攝影師 響整個攝影好helpful好落力，教我地唔少pose，好似個頭點擺、個人點企等等，佢唔單止俾指示，有時會示範埋俾我地睇，仲會好insist每個位都要係the best shot。化妝師成個攝影過程都好照顧我地，當日其實有毛毛雨仲有D凍， 化妝師又擔遮又遞衫，當日佢地兩位都淋濕哂，又坐又踎又要就位，其實好辛苦，我地好感謝佢地。

至於香港方面，攝影師籌備得好好，攝影當日前，佢已經睇過我地日本影既相，亦都攝影師溝通過我地既preference 同style係點，所以佢一開始已經掌握好點同我地影喇，佢亦都俾好清楚指示我地點樣影相。當日無落雨，專登補影一D落雨同地下唔濕先做到既pose。化妝好有心機，Set 頭靚好快手，而且全程跟到足，隨時補妝同幫手。助手亦好落力幫手，幫我地拎好多野。

影哂兩次pre-wedding後，好快就安排上去影相，D相more than expected，好感激Fei Wedding既各位，為我地安排兩日既pre-wedding，D 相仲影得噤靚，多謝哂。