Lijiang | April 2015

我選擇Prewedding公司嗰陣已經起網上睇過唔少公司既婚紗相同評價，feiwedding當時已經係我心水之一，之後去婚展亦接觸過feiwedding同其他公司，起同職員傾談過程中唯獨feiwedding係令我最舒服，無催促我地儘快決定，反而係好耐心講解同解答問題，而且冇隱藏收費。

唸返起拍攝期間， 攝影師好專業，細心教我地擺pose同幫我地唸帶黎既道具適合用起邊個景點。另外，化妝師晴子好快手set好靚頭，好滿意！而助手亦好照顧我地，有時仲會用廣東話再仔細解釋攝影師講既說話。

仲有 feiwedding推薦既寒舍客棧服務同樣一流，佢地會主動問我地有冇帶遮，有冇帶夠暖包之類，又教我地點行同報名附近旅遊要提防既事，非常貼心！

之後揀相亦係一貫優質服務態度,過程中阿po提供左唔少建議，我地先可以輕輕鬆鬆揀好批心水相。由一開始落訂到後期都有專人跟進，令我地完全放心，謝謝你地！