Jiuzhaigou | May 2014

從網上見到一張九寨溝婚照就被深深吸引住，不論風景或攝影風格我都好鍾意，然後再於網上搜尋資料，搵到Fei Wedding於網上評價不俗，經email查詢後，便已決定選擇Fei Wedding. 由揀衫到出發，Jennifer同Hami都比左好多意見及資料比我地，幫左我地唔少。

影相前一日與攝影師及化妝師見面，討論一下我地想要嘅效果。當然我地無咩頭緒，佢地都比左唔少建議比我地。

拍攝當日，琴子好用心咁幫我化妝，配襯頭飾更花左唔少心思，攝影師於拍攝期間不斷比我地睇返拍攝效果，見到我地笑容硬晒時會幫我地再影過。

好多謝Fei wedding所有人，你地嘅用心令我地都覺得好滿意，好驚喜。