Hong Kong | January 2014

大半年前，未婚妻上網揀pre-wedding攝影公司，佢睇左好多間之後，比較鍾意攝影師影既相，於是就join左Fei Wedding，去到落訂個時，睇sample相簿先發現，原來我其中一個朋友的日本pre-wedding都係攝影師影既！

落訂個位妹妹幾耐心解釋，替我地book定影既日子，又提我地幾時要揀衫，幾時要final fit。到揀衫個日，我自己冇乜所謂，但未婚妻既婚紗同晚裝真係好多選擇，眼花繚亂，好彩兩位同事好幫手，除左唔介意未婚妻試完A試BCD然後又試返AB之後，仲會俾建議，叫佢試d本身冇揀既衫，結果都用一個下午揀到佢既心水！影之前一星期有機會同攝影師傾下影既地點，攝影師都好快明白我地想要d乜，選定左地點同流程。Final fit當日都好順利，同事好整齊咁pack曬衫入喼，最緊要係可以放低曬d鞋同裇衫，唔駛影個日又帶多次出黎！

影相當日係1月初，又凍又大風，我地先後去左山頂白加道、山頂公園、高街、灣仔Pawn和藍屋、中環電車路同埋中環碼頭，有攝影師教pose同埋助手及化妝師整理服裝髮型，都好順利咁完成左全日既拍攝。

上星期揀左相，初步睇未執好曬既相，都唔錯！多謝曬Fei Wedding一眾同事既優良服務！