Lijiang | April 2013

今次JOIN左FEI WEDDING為我地拍攝PRE-WEDDING雖然已告一段落，但真係非常之難忘！

回想當日，係網上搵拍攝PRE-WEDDING既公司，最令我地鐘意既攝影風格始終都係FEI WEDDING，特別係拍攝麗江。於是，我地前往太子門市查詢，店員Kate非常有耐性地同我地介紹我地想去既麗江套餐，而且不厭其煩地解答我地所有既問題，最令我欣賞既係佢仲會企係我地顧客既立場，為我地爭取好多好多結婚贈品，真係非常多謝Kate！

另外，值得一讚既係FEI當地既攝影師 “大偉”和化妝師都好專業、好準時，化妝師每日晨早都非常準時來幫我化妝！化妝技巧簡直係神乎其技，可以將單眼皮既我化到雙眼皮，由於無得試妝，所以開始都比較擔心化出來既效果會唔會好嚇人，不過最後化出來既效果都比我想像中好。

記得，第一日朝早上玉龍雪山由於天氣實在太凍，而且山高氧氣少，細心既FEI攝影團隊原來早已幫我地預備左氧氣筒，落山準備去拍攝第二個景點時，“大偉”怕我地肚餓，所以買左熱辣辣既核桃餅俾我地醫肚，然後先継續行程，這實在太窩心啦! 到晚上著祈袍影夜景果時，“大偉”又幫我地預備左許願燈，佢地預備得真係好周到， 所以令到整個拍攝既效果都非常有風格！

FEI WEDDING無論由我地開始試禮服抑或代我地BOOK客棧，然後再到揀相，總之出發前後既預備，都安排得好妥當，令我地非常放心又滿意， FEI既所有員工除左好細心之外，今次PRE-WEDDING好彩有FEI既員工俾甘多專業意見我地，我地先可以完成整個甘完美既PRE-WEDDING咋！在此再次衷心謝謝你地！

FEI WEDDING真係值得推介，如果有朋友想去麗江拍攝PRE-WEDDING既話，真係非FEI WEDDING莫屬! 依家，我地最熱切期待既係等睇埋佢地幫我地設計既製成品，希望都可以出乎意料之外吧！期待、期待…… ^0^

Winnie & Luis