Lijiang | November 2012

最初選擇影pre-wedding地方既時候, 諗過好多地方, 亦睇過好多其他新人既sample, 但始終都覺得好平平無奇, 無咩好特別既感覺, 所以一直都決定唔到去邊到. 直到朋友join完fei wedding去左麗江影完返黎之後, 一睇到d相覺得好靚, 好有feel, 我地就係鍾意呢個感覺 ,所以係好短時間之內就決定左join fei wedding.

Fei wedding既同事由sales到試衫再到旅程其間及其後既揀相服務, 我地都覺得好一流. 所有同事都好nice, 照顧得好周到, 令我地都覺得好放心.

而且影相其間發生左兩件我地冇預期既事, 令我地有d不知所措, 好彩最後有攝影師同化妝師既幫忙… 最後都可以順順利利。

因為按原訂計劃, 我地第一日會到玉龍雪山拍攝, 點知前一日攝影師話俾我地知今年仲未有雪落過, 所以雪山冇雪, 只有又黑又灰既石頭. 當聽到呢個消息之後即刻唔知點算, 咁難得去到一個咁靚既地方, 但竟然冇得上去影. 不過好彩攝影師推介我地去另外一d都係好靚既地方俾我地影. 去到之後覺得真係冇介紹錯, 我地都好滿意。

而另外一件我地冇預計到既事就係… 係影相既第2日, 好唔好彩我病左, 大家都好關心亦好擔心我可唔可以繼續完成拍攝. 攝影師每拍幾個鏡頭都會問下我需唔需要抖下先再拍, 到最後完成拍攝後, 化妝師仲專登買左一盒藥拎上客棧俾我, 我覺得好窩心呀.

所以真係要係呢到多謝所有fei wedding既同事. 多謝你地為我們帶黎咁靚既相片.

Wing & Toby