Japan | April 2012

終於結完婚啦~~想多謝返一間好好既攝影公司: Fei-Wedding/Fei Memory!!由日本 pre-wedding、香港 pre-wedding 到結婚當日影相攝影，我地都只係選用呢一間。之前睇過網上好多人話 d 攝影公司質素好參差，花左好多錢去海外影相又得唔到想要既效果，或者係結婚前幾個禮拜都仲要擔心因為未收到相，都好驚呢D情況會出現係自己度。上網 search 左好耐，見到 Fei Wedding 既日本 pre-wedding 好靚，佢既網頁唔係 post model 影既相，而係 post每對 couple 既 sample album，每 pair 既靚相都唔少。所以就揀左佢啦~影完當然就係無令我地失望啦，有好多喜歡既相，攝影師影相唔止專業，仲好有心機。我地想要好開心既感覺全部都做到。仲決定影多輯香港既添~

結婚當日既相雖然未收到，不過我地一D都唔擔心。

除左影相之外，攝影師仲教我地係結婚當日講d 屬於自己既愛的宣言、誓詞，令到本來諗住交行貨既我地好認真咁諗有咩說話想同對方講，結果場面十分感動難忘，我相信我地一世都唔會忘記咁重要既一刻。

Pre-wedding 花絮、成長片段、同早拍晚播，我係結完婚之後都睇左 N 咁多次，全部都好值得回味。真係好開心。

另外，都要讚下佢地一隊 crew，攝影師同 video 師傅都好細心，敬茶時講野又好笑，令D親戚都好開心~ consultant Hami 更加係好幫手，除左係攝影之外，有好多結婚既野都有比到意見我地，連化妝師都幫我搵埋，雖然最後用唔著，但睇得出佢地做野真係好有 heart~

Fei Wedding真係一間值得推薦既攝影公司。祝你地生意興隆~~