Lijiang | April 2012

多謝Fei Wedding 幫我地安排呢次麗江拍攝之旅，我同我太太可以輕輕鬆鬆完成整個拍攝。Fei Wedding仔細既安排、詳盡既資料、快捷既跟進，我地真係唔洗花多時間去準備，真係合適我地平日工作繁忙既人。

其實我地已經有兩對朋友用過Fei Wedding，我地睇過佢地D相之後覺得影得幾靚，於是去婚紗展問下詳情。比較過之後，發現佢地係噤多間麗江攝影公司之中最多好評，同時價錢其實同去台灣攝影差唔多，又平過去日本同韓國影，所以我地決定用Fei Wedding 。

俾左訂金之後。我地都唔知有乜要準備。幸好有Kate 幫我地，話俾我地知點樣買機票，揀衫同其他飛之前既準備，我地依足佢既意見，就可以完成plan 好曬我地既拍攝旅程，真係好多謝佢。

到拍攝當日，我地終於見到攝影師。攝影師係內地人，但佢地經驗好豐富，知道當地情況，包括交通，天氣，食飲，住宿之餘，同時知道我地香港的品味，又就我地一D 動作既要求，真係唔擔心文化異差既問題。係到好多謝攝影師David 既幫助，朋友們都好欣賞你既取景同技巧。

番到香港之後，阿Yu 幫我地揀相同執相。佢真係好有耐性，我地都覺得自己好煩，但佢都不厭其煩去幫我地不斷更新D相，令我地D相可以盡善盡美，同時又安排好我地製作時間，我地唔洗擔心趕唔切拎D相於Big Day 當日用。

再一次多謝Fei Wedding 幫左我噤大忙。如果有機會，我一定介紹Fei Wedding 俾我D朋友。