Lijiang | March 2012

真係要係哩到好多謝FEI WEDDING幫我地影咗一輯我地好滿意既相。記得當初經朋友介紹你們給我認識‚ 已深深被FEI的作品吸引著。

多謝KATE 安排咗一位超級專業既攝影師 ~ 幫我地影哩輯相‚ 之前看過他的作品已經十分喜歡‚ 而佢地為我地影既相‚ 無論係化妝造型或者拍攝風格我地都十分滿意‚ 而FEI 既每一位員工都好NICE‚ 由出發前既安排至回來揀相‚ 佢地既服務都係100分。

女孩子總是有選擇困難症‚ 但fei既staff都好好‚ 唔會限制我揀相既時間同次數‚ 覆e-mail快‚ 對每個問題都好細心解答。 以前睇留言會以為人地誇大‚ 覺得只係宣傳技倆‚ 當今次自己親身經歷過之後‚ 真係感受到FEI 對每一位顧客既重視同埋佢地對工作既熱誠。 影出來既相除咗靚之外‚ 相片背後還有更多值得回味的事情。

記得我地上雪山個日天氣唔好‚ 但我堅持要上去‚ 佢地不但沒有不滿‚ 仲時刻留意著雪山天氣‚ 襯天氣稍為好轉‚ 就立即同我地上。 上到雪山發現我對鞋沒有防滑‚ 化妝師二話不說就同我換鞋‚ 好讓我可以快快上去影相。

雪山上面間中會打大風而且十分凍‚ 攝影師不斷鼓勵我們要加油‚ 佢好快咁同我地影完就落去坐索道‚ 點知落去既時候突然打起大風‚ 攝影師就扶住我落‚ 亦叫我地快D離開‚ 我既妝都被雪打溶了‚ 化妝師只係用咗半程坐索道既時間已經可以幫我重新化過一個完美無暇既妝‚ 我真的不能不佩服她。

多謝佢地每一位既照顧先可以咁順利影到哩輯相‚ 睇番D相真係覺得攝影師好利害‚ 係雪山上停留既時間雖然好短‚ 加上咁惡劣既天氣‚ 但拍出來既效果一點也不遜色‚ 雖然雪山上既照片沒有藍天也沒有太陽‚ 但係雪山上所拍既每一張相對我哋嚟講都十分珍貴。整個拍攝過程當中‚ 我體會到攝影師對每一張相既執著‚ 有著藝術家的個性與堅持‚ 每張相都一絲不苟。

至於化妝方面‚ FEI 既化妝師好專業又有經驗‚ 妝同髮型一點都不會老土‚ 我好放心將所有決定都交比化妝師。 遇上任何事佢地都處變不驚‚ 好似有條裙成條拉鏈爛咗‚ 化妝師就立即同我用針線連好(看不到有穿崩的啊)‚ 每一次貼心的幫忙都感動了我們。

很感激FEI 為我們留下這樣美好的回憶‚ 如果比我再揀多一次‚ 我依然會選擇FEI WEDDING 為我們拍攝PRE-WEDDING。 現在我們正等待FEI幫我們製作的精美相簿出爐‚ 祈待著另一份驚喜^.^